Тошкент шаҳрида такси нархлари кескин кўтарилиши кузатилмоқда. Бу эса ижтимоий тармоқларда кўплаб муҳокамаларга сабаб бўлди.
Ўзбекистоннинг кўплаб ҳудудларида бугун, 16 февраль куни ҳаво ҳарорати кескин пасайиб, қор ёғмоқда. Шу каби Тошкент шаҳрида ҳам айни дамда ҳаво ҳарорати 1-2 даража совуқни кўрсатяпти. Ҳудудларда қор ёғишда давом этмоқда.
Тармоқларда ноқулай об-ҳаво шароити сабабли такси нархлари ҳам кескин кўтарилаётгани ҳақида турли хабарлар тарқалди. Айни дамда йўналишсиз такси чақириш минимум нархи 20 минг сўмни ташкил қилмоқда. Одатда бу нарх 10 минг сўмдан ортмас эди. Тарқалаётган хабарларга кўра, Яшнобод туманидан Чилонзор туманигача бориш нархи 100 минг сўмдан ортиққа тушмоқда.
Шу билан биргаликда, пойтахт кўчаларида катта тирбандликлар юзага келган. Йўл ҳаракати хавфсизлиги хизмати об-ҳаво сабабли барча ҳайдовчилардан:
- бошқарувдаги транспорт воситасининг техник созлигига эътиборли бўлиб;
- оралиқ масофани сақлаб;
- тезликни меъёрдан оширмасдан;
- газ ёки тормоз тепкисини кескин босмасдан;
- эҳтиёткорлик билан ҳаракатланишларини сўраган.
Изоҳ (0)