Ўзбекистон аҳолисида қанча енгил автомобиль борлиги очиқланди

Ўзбекистон аҳолисида 2024 йилнинг 1 январь ҳолатига кўра 4 миллиондан ортиқ автомобиль мавжуд. Бу ҳақда Статистика агентлиги хабар берди.

Идоравий маълумотларга кўра, Ўзбекистонда жисмоний шахсларга тегишли бўлган автомобиллар сони 4 020 744 тани ташкил этмоқда.

Аҳолига тегишли жами автотранспорт воситаларидан:

• енгил автомобиллар – 3 759 045 та;
• юк автомобиллари – 240 917 та;
• автобуслар – 6 297 та;
• микроавтобуслар – 9 102 та;
• Махсус транспортлар – 5 383 та.

Аввалроқ Ўзбекистонда 2023 йилда ишлаб чиқарилган енгил автомобилларнинг 118 093 донаси Cobalt ҳиссасига тўғри келгани ва бу бошқа русумлар ичида энг кўп миқдор экани хабар қилинганди. Кейинги ўринларда Damas (89 154 дона) ва Gentra (82 133 дона) нисбатан кўп ишлаб чиқарилган. Шу билан бирга, компания ўтган йили 48 082 дона Tracker, 30 596 дона Chevrolet Onix автомобилларини ишлаб чиқарган.