Ханчжоу ҳукумати Аргентина ва Нигерия терма жамоалари ўртасидаги ўртоқлик учрашувини бекор қилди.
Терма жамоалар ўртасидаги ўйин март ойида Хитойда бўлиб ўтиши керак эди. Бироқ, Ханчжоу спорт бюроси учрашув “ҳаммага маълум бўлган сабабларга кўра” бекор қилиниши айтилди.
“Тадбирни ўтказиш шартларини асослаб бўлмайди ва уни бекор қилиш тўғрисида қарор қабул қилинди”, — дейилади WeChat’да эълон қилинган баёнотда.
ОАВ ўйиннинг бекор қилинишига Гонгконг чемпионати юлдузларининг “Интер Майами”га қарши баҳсдаги (1:4) вазият сабаб бўлганини ёзмоқда. Гарчи шартнома шартларида камида 45 дақиқа ўйнаши кўзда тутилган бўлса-да, Лионель Месси майдонга туширилмади. Томошабинлар эса Америка жамоасига ҳуштакбозлик уюштирди.
Ўйин ташкилотчиси чипта нархининг 50 фоизини мухлисларга қайтаришга ваъда берди.
Изоҳ (0)