Озарбайжон Марказий сайлов комиссияси (МСК) навбатдан ташқари президентлик сайловлари натижаларини сарҳисоб қилди. Илҳом Алиев 92,12 фоиз овоз билан ғалаба қозонди.
11 февраль куни Озарбайжон Марказий сайлов комиссиясининг йиғилиши бўлиб ўтди. Энди сайлов натижалари тўғрисидаги МСК баённомаси Конституциявий судга юборилади. Сайловда фуқароларнинг 76,43 фоизи иштирок этган. Илҳом Алиев яна етти йил президентлик қилади.
Жами 4 миллион 577 минг 693 нафар сайловчи Алиевга овоз берган. Бошқа номзодларнинг натижалари эса қуйидагича:
- мустақил номзод сифатида Зоҳид Орудж — 2,17 фоиз (107 877 овоз);
- “Буюк қурилиш” партиясидан Фозил Мустафо — 1,98 фоиз (98 623);
- “Бутун Озарбайжон халқ жабҳаси”дан Гудрат Ҳасангулиев – 1,72 фоиз (85 607);
- “Миллий фронт” партиясидан Рази Нуруллаев — 0,8 фоиз (39 727);
- “Буюк Озарбайжон”дан Элшад Мусаев – 0,66 фоиз (32 956);
- мустақил номзод сифатида Фуад Алиев – 0,53 фоиз (26 561).
Аниқлик киритилишича, республиканинг турли ҳудудларидаги 12 та сайлов участкасида овоз бериш натижалари ҳақиқий эмас деб топилган, участка сайлов комиссиялари тарқатиб юборилган.
Изоҳ (0)