Шавкат Мирзиёев ва расмий ташриф билан Ўзбекистонда бўлиб турган Беларусь президенти Александр Лукашенко “Амирсой” тоғ дам олиш масканига ташриф буюрди. Бу ҳақда Президент матбуот хизмати хабар берди.
Кейинги йилларда Ўзбекистонда спорт ва туризм инфратузилмасини ривожлантиришга қаратилган йирик лойиҳалар амалга оширилди. Тошкент вилояти Бўстонлиқ туманидаги “Амирсой” тоғ дам олиш маскани шулар жумласидан. Охирги уч йилда бу ерга 4 миллионга яқин сайёҳ келган.
Жаҳон даражасидаги ҳар мавсумга мос ушбу мажмуага ташриф давомида давлат раҳбарлари спортчилар ва сайёҳлар учун яратилган шароитлар билан танишди, икки мамлакат ўртасидаги туризм алмашинувини кенгайтириш юзасидан фикр алмашди.
Етакчилар самимий мулоқотни тоғ-чанғи трассасида давом эттириб, биргаликда чанғи учдилар.
Изоҳ (0)