Эмили Блант “Оппенгеймер”ни суратга олиш вақтида Киллиан Mёрфига бир неча марта тарсаки тортгани учун ундан узр сўради

Италиялик актриса Эмили Блант The Sun нашрига берган интервьюсида ҳамкасби Mёрфига ўн марта тарсаки туширгани ва унга тан жароҳати етказгани учун кечирим сўради. Актрисанинг таъкидлашича, тарсаки саҳнаси ўн марта суратга олинган, бироқ мазкур қисм фильмга киритилмаган.

Кристофер Нолан фильмида Киллиан Mёрфи ядро физиги Роберт Оппенгеймерни, Блант эса унинг рафиқаси Кетрин ролини ўйнаган. Бир саҳнада у ирландиялик актёрнинг юзига уриб, сўнг бўйни ва ёқасидан ушлаб олиши керак эди.

Режиссёр менга: “Уни ур”, деди. Мен: “Қандай бўларкан” деб иккиландим. Киллиан ҳам: “Ур мени, бўлақол”, деб ишонтирди. Режиссёр эса ҳамкасбингга жиддий ҳеч нарса бўлмайди, деб мени тинчлантирди—дейди актриса.

Ёноқлари билан машҳур бўлган Киллиан Mёрфининг юзи узоқ вақт тарсакидан қизариб юрган. Фильмда буни яшириш учун махсус гримдан фойдаланишга тўғри келган.

Кристофер Ноланнинг “Оппенгеймер” фильми Қўшма Штатларда ядро қуролининг ривожланиши ҳақида бўлиб, 2023 йил июль ойида тақдим этилган. Мазкур фильмдаги роллари учун Эмили Блант ва Киллиан Mёрфи энг яхши иккинчи пландаги актриса ва энг яхши актёр сифатида “Оскар” мукофотига номзод бўлди.

Фильм энг яхши фильм, энг яхши режиссёр ва энг яхши иккинчи пландаги актёр (Кичик Роберт Дауни) каби бир қанча номинациялар бўйича Америка киноакадемияси мукофоти номзодлигига тақдим этилган.