Сурхондарё вилояти Бойсун туманида экин ер майдонини ўзбошимчалик билан эгаллаб олиш ҳолати аниқланди, деб хабар беради Бош прокуратура ҳузуридаги департамент.
Маълум қилинишича, департаментнинг Бойсун туман бўлими томонидан терговга қадар текширув ўтказилган. Текширувда фуқаро С.Ж. “Тиллакамар” МФЙ ҳудудидаги 35 сотих захирадаги суғориладиган экин ер майдонини ўзбошимчалик билан эгаллаб олиб, ернинг унумдор қатламига зарар етказган ҳолда уй-жой қуришни бошлагани аниқланган.
Мазкур ҳолат юзасидан Жиноят кодексининг 229-1-моддаси (ер участкаларини ўзбошимчалик билан эгаллаб олиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Навоийда фуқаро “дом”га ўзи учун алоҳида лифт ўрнатаётгани аниқланганди. Шунингдек, 2023 йилнинг июлида Тошкентдаги 10 қаватли уйнинг томида ўзбошимчалик билан қўшимча уй қурилаётгани маълум бўлган эди.
Изоҳ (0)