Асаб ва руҳият илмий-тиббий маркази директори, профессор Зарифбой Ибодуллаев “Дарё” мухбири билан суҳбатда Францияга қилган сафарида дорихонадан корсет сотиб ололмаганини айтиб ўтди.
У ерда менга тез тиббий ёрдам кўрсатиш керак бўлиб қолди. Электрон навбатга ёзилдик, дарров кўриндик. Олий малакали ҳамшира керак бўлган ҳамма хизматларни кўрсатди. Кейин ташхис қўйиб, маълумотларимни базага киритиб, шифокорга юборди. Кўриклар бир жойни ўзида тез бўлди. Биттагина дори ёзиб беришди.
Дорихонага кирганимизда мендан маълумотларни сўраб, яна базага киритишди. Дорини олганимдан кейин, корсет олмоқчи бўлдим. Шунда сотувчи “Доктор буни ёзмаган-ку”, деб рад қилди. Бу тиббий дори ёки суюқлик эмас, деб тушунтиришимизга ҳам қулоқ солмади.
Иккинчи дорихонага кириб корсет сўраганимизда у ерда ҳам беришмади. Нима учун сотмаяпсиз, деб сўраганимда “Агар травматолог ёзиб берса, кейин сотишимиз мумкин. Агар нимадир асорат бўлса, биз жавоб берамиз”, дейишди, — дейди профессор.
Зарифбой Ибодуллаевнинг таъкидлашича, Францияда дори саноати, диагностика ривожланиб кетган бўлса-да, дорига эътибор камроқ, яъни дори билан даволаш минимум даражада.
Ҳаттоки инсульт бўлган беморлар шифохонадан чиқарилганидан кейин реабилитацияга, психологик таъсир қилиш омилига эътибор қаратади.
Инфаркт, инсульт бўлган ёки спинал жароҳат олганларга ҳам иккита нарсада эътибор қаратилади — спорт тиббиёти ва психологик таъсир қилиш усуллари. Реабилитация жараёнида психомотор реабилитация — мусиқа терапия ва даволаш гимнастикаси киритилган, — дейди профессор.
Аввалроқ, профессор Зарифбой Ибодуллаев фарммафияни ерга кўмилган мина деб баҳолаган эди.
Изоҳ (0)