Сурхондарё вилояти ИИБ Йўл ҳаракати хавфсизлиги бошқармаси Шўрчи туманида содир бўлган йўл-транспорт ҳодисаси юзасидан маълумот берди.
Маълум қилинишича, 31 январь куни соат тахминан 12:30 ларда Шўрчи тумани “Совуртепа” маҳалласи ҳудудидан ўтувчи М41 автомобиль йўлида 22 ёшли ҳайдовчи Kia К5 русумли транспорт воситасини бошқариб келиб, бир йўналишда ҳаракатланиб, чапга бурилаётган 33 ёшли ҳайдовчи бошқарувидаги Damas автомашинаси билан тўқнашган.
Транспорт воситаси тўқнашув вақтида йўл четида ҳаракатланиб кетаётган ота-бола ва яна бир нафар фуқарони ҳам туртиб кетган. Оқибатда 10 ёшли вояга етмаган мактаб ўқувчиси “бош мия ёпиқ жароҳати, бош мия лат ейиши, ўнг елка қисмидан ёпиқ синиши” ташхиси билан туман шифохонасига ётқизилган.
Ҳозирда ҳолат юзасидан Шўрчи тумани ИИБ тергов гуруҳи томонидан терговга қадар суриштирув ишлари олиб борилмоқда.
Аввалроқ Тошкент шаҳар Чилонзор туманида Malibu-2 билан тўқнашган Spark ҳайдовчиси вафот этгани, Сурхондарёда Nexia ҳайдовчиси пиёдани уриб кетиб, “автозак” билан тўқнашгани тўғрисида хабар берилганди.
Изоҳ (0)