Микротўлқинли печдан фойдаланиш билан боғлиқ хавфлар ҳақида биз билган маълумотларнинг аксарияти шунчаки фараздир. Назарий жиҳатдан, баъзи озиқ-овқат ва пластмассаларнинг микротўлқинли нурланишга таъсири кансерогенлар юзага келишига сабаб бўлади. Микротўлқинлар саратон касаллигидан ҳимоя қилувчи озуқа моддаларини ҳам йўқ қилиши мумкин.
Микротўлқинлар — паст частотали нурланишнинг бир тури бўлиб, улар ионлаштирувчи бўлмаган тўлқин сифатида таснифланади. У саратонга олиб келмайди, озиқ-овқатларни радиоактив нурлантирмайди ёки ДНКни ўзгартирмайди.
Микротўлқинли печ магнетрон деб номланувчи қурилма томонидан қувватланади. У электр энергиясини микротўлқинли энергияга айлантиради. Озиқ-овқат микротўлқинли печга қўйилганда, энергия озиқ-овқат таркибидаги сув молекулаларининг тебранишига олиб келади. Бу тебранишлар озиқ-овқат тузилишини ўзгартирмасдан иссиқлик чиқаради. Расмий маълумотларга кўра, бундай энергия миқдори одамларга зарар етказиши учун сезиларли даражада паст.
Бироқ микротўлқинли печдан фойдаланиш саратон хавфини ошириши ёки камайтириши мумкинлиги ҳақида қарама-қарши далиллар мавжуд. Шундай қилиб, микротўлқинли печлардан чиқадиган нурланиш саратонга олиб келмаса ҳам микротўлқинли печдан фойдаланиш овқатга ёки таом бўлган идишга таъсири туфайли билвосита хавф туғдиради. Микротўлқинлар кичик бўлса-да, юқори қувват созламаларида кансероген моддаларни ишлаб чиқариши мумкин.
Буларга қуйидагилар киради:
Акриламидлар — шакар ва крахмаллар юқори ҳароратда қиздирилганда ҳосил бўладиган кансерогенлардир.
Бисфенол А — пластикларни қаттиқ ва шаффоф қилиш учун ишлатиладиган кансероген модда. Назарий жиҳатдан, у ҳаддан ташқари қизиб кетганда озиқ-овқатга оқиб чиқиши мумкин.
Фталатлар — потенциал кансероген бирикмалар бўлиб, юмшоқ ва мослашувчан бўлиши учун пластмасса таркибига қўшилади. Улар ҳаддан ташқари қизиб кетганда озиқ-овқатга аралашиши мумкин.
Микротўлқинли печнинг зарари ҳақида гипотезалар бор, аммо ҳозирги кунга қадар бундай зарарнинг ишончли далиллари йўқ. Бироқ хавфсизлик нуқтаи назаридан микротўлқинли печда овқат пишириш ёки иситиш учун фақат “микротўлқинли печ учун хавфсиз” деб ёзилган идишлардан фойдаланиш керак.
Ҳар қандай иситиш усули маҳсулотнинг озуқавий таркибини ўзгартириши мумкин. Саратонга қарши кураш ҳақида гап кетганда, бу қайта ишлаш жараёнида ҳосил бўлган антиоксидантлар озиқ-овқат таркибидаги моддаларга қандай таъсир қилишига боғлиқ. Улар ҳужайралардаги ДНКга зарар етказадиган эркин радикаллар деб аталадиган молекулаларни зарарсизлантиради, бу уларнинг мутацияга учрашига ва саратон ривожланишига олиб келиши мумкин.
Lenta.ru сайтига берган интервьюсида онколог Снежанна Генинг ҳам микротўлқинли печлар саратон касаллигини келтириб чиқармаслигини таъкидлайди. Унинг фикрича, қиздирилган овқат таркибида радиоактив тўлқинлар ёки хавфли радиация йўқ. Бироқ микротўлқинли печда иситиш учун мўлжалланмаган пластмасса ўзидан заҳарли модда чиқариши мумкин.
Изоҳ (0)