Ёш, чиройли, истеъдодли ва энг муҳими - бутун дунёда машҳур бу қизларга ҳамма ҳавас қилиши мумкин. Улар оламшумул машҳурлик келтирган юқори даражадаги фильмларда рол ўйнаш бахтига муяссар бўлди.
Женна Ортега
Женна Ортеганинг аксарият мухлислари 2022 йилда “Уэнздай” сериали эфирга узатилгунга қадар у ҳақида билишмаган. Актриса Уэнздай Аддамс ролини ўйнайди ва том маънода биринчи эпизод чиққандан кейин эртаси куниёқ оламшумул машҳурликка эришади. Лойиҳа жуда шов-шувли бўлади. Женнанинг ажабтовур рақси эса интернетни портлатиб юборади. У атиги 20 ёшида ижтимоий тармоқларда ўн миллионлаб обуначиларга эга бўлади.
Аня Тейлор-Жой
Томошабинлар кундалик ҳаётда сап-сариқ сочли Аня Тейлор-Жойни кўрганларида ҳайратда қолишади. Унинг 2020 йилги “Қироличанинг юриши” мини-сериалидаги қаҳрамони мухлислар онгига жуда қаттиқ сингиб кетган. Фильмда у малла сочли шахматчи қиз қиёфасида пайдо бўлади. Лойиҳа актрисага бутун дунё бўйлаб катта машҳурлик келтиради. Тейлор-Жой қизил гиламлардан ва жамоатчиликнинг бундай эътиборидан бир оз қўрқишини тан олади.
Холли Бэйли
Холли Бэйлининг “Кичик сув париси” фильмидаги бош роли ўтган йили катта қизиқиш уйғотди. Премьерадан олдин актриса муҳокама мавзусига айланди. Ирқий камситиш туфайли жамоатчилик Холлини сув париси сифатида қабул қилишдан бош тортди, чунки оригинал ҳикояда қаҳрамон бутунлай бошқача кўринишга эга эди. Ушбу фильм туфайли миллионлаб одамлар ёш актриса ҳақида билиб олишди.
Таисса Фармига
Афсонавий “Американча даҳшатли ҳикоялар” сериалининг ёрқин юзи — Таисса Фармига. Айнан шу сериал актрисани атиги 17 ёшида бутун дунёга машҳур қилган. Ҳозирда юлдузнинг фильмографияси жуда катта ва ранг-баранг, аммо мазкур фильм ҳали ҳам унинг ташриф қоғози бўлиб қолмоқда.
Белла Ремзи
Белла 2016 йилдан бери фильмларда рол ўйнайди, аммо ҳамма у ҳақида фақат бир йил олдин “Сўнгги одам” сериали чиққандан кейин гапира бошлади. Белла Ремзи сериалда бош ролни ўйнади ва ҳали 19 ёшидаёқ машҳурлиги бир неча бор ошди. У партнёри Педро Паскал билан экранда ажойиб тандем яратишди. Ҳозирда юлдуз учун катта кино эшиклари очиқ. Бу йил Белла ҳатто “Олтин глобус”нинг қизил гиламида ҳам суратга тушди.
Изоҳ (0)