“Шаҳарсозлик бош режаси тасдиқланмасдан қурилиш бўляпти” — Азиз Абдуҳакимов

Олий Мажлис Қонунчилик палатасида Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимовнинг ахбороти эшитилмоқда. 

Вазирнинг сўзларига кўра, атмосфера ҳавосига ташламалар бўйича энг юқори кўрсаткич Тошкент вилояти (679,7 минг тоннани ташкил этган) ҳиссасига тўғри келган. Бунда автотранспорт воситаларининг улуши 252,1 минг тонна, саноат корхоналарининг улуши 427,6 минг тоннани ташкил этган. 

Тошкент шаҳрида атмосфера ҳавосига 417,6 минг тонна, хусусан, автотранспорт воситаларидан 396,6 минг тонна ёки 95 фоиз, саноат корхоналаридан 21 минг тонна ёки 5 фоиз ташламалар чиқарилган.

“Шаҳарсозлик бош режаси тасдиқланмасдан қурилиш бўляпти. Яшил зона қаерда бўлса, ўша ерда қурилиш амалга оширилмаслиги керак, лекин бош режа бўлмагани боис биз билолмаяпмиз. Масалан, сўнгги 5 йилда Тошкентда 5400 та объект барпо этилган”, — дейди экология вазири.