“Оскар” энг нуфузли кино мукофоти ҳисобланади. Шу сабабдан ҳам фильмнинг қанча “Оскар”и борлигини билиш жуда муҳим. Қуйида ҳайкалчалар сони бўйича рекорд ўрнатишга муваффақ бўлган фильмлар ҳақида гаплашамиз.
“Бен Гур”
Йўқ, гап 2016 йилда режиссёр Тимур Бекмамбетов томонидан суратга олинган фильм ҳақида эмас, балки 1959 йилда чиққан картина ҳақида кетмоқда.
Бекмамбетовнинг ремейки кассада муваффақиятсизликка учрайди, 100 минг долларлик бюджетга нисбатан бор-йўғи 94 миллион доллар йиғади. Биринчи фильм муаллифларга бор-йўғи 15 миллион долларга тушган бўлса, кассада бир неча баравар кўп даромад йиғилган. Лекин энг муҳими 11 та “Оскар” ҳайкалчасини қўлга киритиб, Қўшма Штатларнинг миллий хазинасига айланади.
Ўтган асрнинг ўрталарида бу сўзсиз рекорд эди. Илгари ҳеч бир фильм бундай мукофотлар рўйхати билан мақтана олмасди. Фильм дарҳол култга айланади.
“Титаник”
“Титаник” прокатда 2 миллиард доллардан кўпроқ даромад олади. У 1997 йилда намойиш этилган. Кейинчалик 20 дақиқага узайтирилган 3D версияси ҳам чиқарилади. Фильмни яна икки марта — 2012 ва 2017 йилларда кинотеатрларда намойиш этишади.
Жеймс Кэмерон диққатни ўзига тортадиган, бой ҳиссиётлар палитрасини уйғотадиган, иккинчи ва ундан кейинги томошаларда зерикмайдиган мукаммал фильм яратишга муваффақ бўлди.
Шунинг учун “Титаник” 11 та ҳайкалчани қўлга киритиб, ўзидан олдинги “Бен Гур” рекордини такрорлади.
“Узуклар ҳукмдори”
2003 йилда Ўртаер ҳақидаги трилогиянинг якуний қисми — “Қиролнинг қайтиши” фильми чиқади, у дарҳол иккита ютуққа эришади:
- бир миллиард доллардан кўпроқ даромад, бунга фақат “Титаник” эришган эди;
- 11 та “Оскар” ҳайкалчасини олади.
Аммо “Узуклар ҳукмдори” алоҳида ҳолат. Гап шундаки, фантазия жиддий жанр ҳисобланмайди ва кўплаб кинотанқидчилар фантазия доирасида кино тилининг барча бойликларидан фойдаланган ҳолда чуқур ҳикоя қилиб бўлмайди, деган фикрга қўшилади.
“Узуклар ҳукмдори” бу стреотипни йўқ қилди. Бу “Оскар”ни қўлга киритган биринчи фантастик фильмдир. “Қиролнинг қайтиши”гача ҳеч ким бундай шарафга сазовор бўлмаган.
“Вестсайд тарихи”
Академия мукофотининг 23 та асосий номинацияси мавжуд. Ҳеч бир фильм уларнинг барчасида ғолиб бўлмаган ва кино тарихида фақат учта фильм 11 та мукофотни қўлга киритган.
Кино тарихида 10 та ҳайкалчага муносиб кўрилган “Вестсайд тарихи” фильми “Ромео ва Жульетта”нинг такрори ҳисобланади. Бир-бирига душман оилаларнинг ролини барча мусиқий қонунларга мувофиқ қўшиқ айтадиган ва рақсга тушадиган кўча тўдалари ўйнайди.
Мазкур фильмнинг ремейки 2021 йилда экранларга чиқади, бироқ унинг бошида таниқли Стивен Спилберг турганига қарамай, у ўзидан олдинги шон-шуҳратни такрорлай олмади. Фильм бир нечта “Оскар” номинацияларини олади, лекин фақат битта ҳайкалчага муносиб кўрилади.
“Инглиз бемор”
“Инглиз бемор” фильми 1996 йилда чиқарилган. Ҳозир бу фильм ҳақида жуда кам гапирилади, лекин ўз вақтида фильм жуда катта шов-шувга сабаб бўлган. Асосийси у танқидчилар меҳрини қозонган ва 9 та ҳайкалча олишга муваффақ бўлган.
Изоҳ (0)