Ўзбекистон ва Хитой ўртасидаги авиақатновларни ҳафтасига 100 тага етказиш бўйича келишув имзоланди. Бу ҳақда Транспорт вазирлиги матбуот хизмати хабар берди.
Пекинда Транспорт вазирлиги делегацияси ҳамда Хитой авиация маъмурияти ўртасида имзоланган ушбу келишув томонлар ўртасида авиақатновлар ҳажмини ҳафтасига 100 тага (ҳар икки мамлакат авиакомпаниялари томонидан 50 тадан) олиб чиқишдан ташқари, парвозлар географиясини кенгайтириш мақсадида Ўзбекистон ва Хитой авиакомпаниялари учун икки мамлакатнинг исталган шаҳарларига парвоз этиш имкониятини яратиш (ҳозирда парвозларни амалга ошириш учун 7 та шаҳар белгиланган), шунингдек, хизмат кўрсатувчи 3 та авиакомпаниялар сонини чексиз авиакомпанияларга ўзгартиришни ҳам назарда тутади.
Мазкур келишув Хитой авиацияси маъмурияти томонидан мамлакат қонунчилигига мувофиқ ички келишув жараёни тугатилгандан сўнг 2024 йилнинг апрелида икки мамлакат авиация ҳукуматларининг қўшимча учрашуви якунларига кўра кучга киради.
Изоҳ (0)