Осиё Кубоги. Япония Индонезия устидан ишончли ғалабани қўлга киритди, Ироқ сўнгги дақиқаларда пенальтидан урилган гол эвазига Вьетнам устидан ғалабани илиб кетди

Футбол бўйича Осиё Кубоги гуруҳ босқичи 3-туридан ўрин олган ўйинлар 24 январь, чоршанба куни бўлиб ўтди.

Япония Индонезияга қарши баҳс олиб борди ва 3:1 ҳисобида зафар қучди. Японлар сафидаги иккита гол Аясе Уэда ҳисобига ёзилди. Яна бир гол эса Жастиб Хубнер номига автогол сифатида қайд этилди. Индонезия таркибида Сенди Уалш дарвозани ишғол қилди.

D гуруҳининг иккинчи баҳсида Ироқ Вьетнамга қарши майдонга тушди. Биринчи бўлим охирида Вьет Ан ветнамликларни ҳисобда олдинга олиб чиқди. 45+4-дақиқада эса Вьетнам аъзоси Ван Канг Куат қизил карточка олиб, майдонни тарк этди.

Иккинчи бўлим бошида эса Ироқ ҳисобни тенглаштирди. 47-дақиқада Ребин Сулака ўз номини таблога ёздириб қўйди. 73-дақиқада Аймен Ҳуссейн ироқликларнинг иккинчи голига муаллифлик қилди. Учрашув сўнгида эса Нгуэн Куан Хай мувозанатни тиклади. 90+12-дақиқада Ироқ футболчиси Аймен Ҳуссейн пенальтини аниқ амалга ошириб, жамоасининг ғалабасини таъминлади.

D гуруҳида сўнгги турдан сўнг жадвал қуйидагича кўриниш олди:

Осиё Кубоги

3-тур баҳслари

24 январь, чоршанба

Япония — Индонезия 3:1

Голлар: 1:0 – 6 Уэда (пенальти), 2:0 – 52 Уэда, 3:0 – 88 Хубнер (автогол), 3:1 – 90 Уэлш.

Ироқ — Вьетнам 3:2

Голлар: 0:1 – 42 Вьет Ан, 1:1 – 47 Сулака, 2:1 – 73 Ҳуссейн, 2:2 – 90 Нгуэн Куанг Хай, 3:2 – 90+12 Ҳуссейн (пенальти).