Saudiyaning “Al-Hilol” klubi Neymarni qaydnomadan chiqarib yubordi.
Bir qancha xorij manbalarida “Al-Hilol” braziliyalik futbolchi bilan shartnomani bekor qilgani haqida xabarlar tarqaldi. Biroq, jurnalist Fabrisio Romano ushbu vaziyatga izoh berdi:
“Saudiya klubi Neymar bilan shartnomani bekor qilmadi. Klub atrofidagilar bu xabarni yolg‘onligini tasdiqladi. “Al-Hilol” yangi sotib olingan Renan Lodiga joy bo‘shatish maqsadida jarohatlangan Neymarni qaydnomadan chiqarib turibdi. Bu faqatgina legionerlar bilan bog‘liq vaziyat tufayli. Braziliyalik futbolchi joriy mavsum maydonga tushmaydi. Jarohatidan qutulganidan so‘ng safga qaytadi”.
Eslatib o‘tamiz, Neymar oktyabr oyida JCH—2026 saralashidan o‘rin olgan Braziliya va Urugvay o‘rtasidagi bahsda tizzasidan jarohat olib, maydonni tark etgandi. Shifokorlar uning kamida sentyabr-oktyabr oylarida safga qaytishi mumkinligini tasdiqlagan.
Izoh (0)