Қалин туман 18 январь куни Тошкент аэропорти фаолиятини чеклаб қўйди ва бир неча самолётлар муқобил аэродромларга қўнишга мажбур бўлди. Бу ҳақда Uzbekistan Airpots матбуот хизмати хабар берди.
Хусусан, Uzbekistan Airways авиакомпаниясининг HY602 (Москва—Тошкент) рейси Самарқанддаги муқобил аэродромга қўнишга қарор қилди. Самолёт Тошкент вақти билан соат 05:20 да Самарқанд аэропортига қўнди.
Соат 05:19 да ҳавога кўтарилган Uzbekistan Airways авиакомпаниясининг HY9613 (Москва— Тошкент) рейси йўловчининг соғлиғи ёмонлашгани сабабли Урганчдаги муқобил аэродромга йўл олишга қарор қилди. Самолёт Тошкент вақти билан соат 06:42 да Урганч аэропортига қўнди.
Uzbekistan Airways авиакомпаниясининг Владивосток—Тошкент йўналишидаги HY708 рейси Самарқанддаги муқобил аэродромга йўл олди. Самолёт Тошкент вақти билан соат 07:03 да Самарқанд аэропортига қўнди.
Centrum Air авиакомпаниясининг C67704 (Жидда—Тошкент) рейси ҳам муқобил аэродромга йўл олди. Самолёт Тошкент вақти билан соат 07:52 да Самарқанд аэропортига қўнди.
“Россия” авиакомпаниясининг SU6971 (Санкт-Петербург—Тошкент) рейси Фарғона муқобил аэродромига йўл олди. Самолёт маҳаллий вақт билан соат 10:05 да Фарғона аэропортига қўнди.
-y4XIQZbi.jpg)
Panorama Airways авиакомпаниясининг 5P5366 ва 5P362 (Мадина—Тошкент) рейслари Самарқанддаги муқобил аэродромга йўл олди. 5P362 рейси маҳаллий вақт билан соат 10:28 да, 5P5366 рейси Самарқанд аэропортига соат 10:21 да қўнди.
Шунингдек, Ўш (Қирғизистон) аэропортида ноқулай об-ҳаво шароити туфайли Қувайтдан учаётган Jazeera Airways авиакомпаниясининг J9653 рейси Намангандаги муқобил аэродромга жўнаб кетди. Самолёт Тошкент вақти билан соат 08:35 да Наманган аэропортига қўнди.
Изоҳ (0)