Тошкент шаҳридаги туманларнинг айрим ҳудудларида электр таъминоти вақтинча тўхтатилади. Бу ҳақда “Ҳудудий электр тармоқлари” матбуот хизмати хабар берди.
Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш ҳамда мавжуд электр қурилмаларида таъмирлаш ишларини олиб бориш мақсадида 17 январь куни қуйидаги манзилларда электр таъминоти вақтинча ўчирилади:
- Миробод тумани — “Қорасув” МФЙнинг айрим ҳудудларида соат 09:00 дан 17:00 гача;
- Учтепа тумани — “Журжоний” МФЙ ҳамда 14-мавзе, 15-мавзе ва 21-мавзеларининг айрим ҳудудларида соат 10:00 дан 13:00 гача;
- Олмазор тумани — “Ҳофиз Кўхакий”, “Зарбдор” ҳамда “Шоший” МФЙларининг айрим ҳудудларида соат 09:00 дан 15:00 гача.
Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги айтилган.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.
Аввалроқ Андижонда МЧЖ масъуллари 266 млн сўмлик электр энергиясидан ноқонуний фойдаланилгани, Наманганда 496 млн сўмлик электр энергияси ўғирлангани тўғрисида хабар берилганди.
Изоҳ (0)