Самарқанд вилоятида кучли шамол эсиши натижасида айрим электр тармоқлари хавфсизликни таъминлаш мақсадида ўчирилди. Бу ҳақда Энергетика вазирлиги матбуот хизмати хабар берди.
![](/static/2023/Fozilbek/photo_2021-12-06_15-05-13sdfs3.jpg)
Қайд этилишича, бунинг натижасида Ургут, Паст Дарғом, Самарқанд туманлари ҳамда Самарқанд шаҳри истеъмолчилари қисман (12 500 та) электр таъминотидан узилган.
“Кучли шамол эсиши тўхтагач, электр энергияси етказиб берилиши таъминланади”, — дейилади хабарда.
Аввалроқ “Ўзгидромет” Тошкент, Самарқанд, Жиззах ва Сирдарё вилоятларида шамол ғарбдан 7-12 метр/секунд тезликда эсиши, баъзи жойларда 15-20 метр/секундгача кучайиши, айрим жойларда чанг-тўзонлар билан кузатилиши мумкинлиги тўғрисида хабар берганди.