Ғазо секторида Исроил мудофаа кучлари операцияси бошлаганидан бери уч ой ичида ҳар соатда 11 киши ҳалок бўлмоқда. Шу кунгача Фаластин аҳолисининг 1 фоизи аллақачон ўлган.
Бу статистик маълумотларни Фаластиннинг БМТдаги доимий кузатувчиси Риёд Мансур Бош ассамблея йиғилишида тақдим этди.
“Ўтган 90 кун ичида ҳар соатда 11 нафар фаластинлик ўлдирилган. Уларнинг ичида болалар ва аёллар бор. Бугунги кунга қадар Ғазодаги бутун Фаластин аҳолисининг 1 фоизи ҳалок бўлди”, — деди Фаластиннинг БМТдаги доимий вакили.
Риёд Мансурга кўра, Ғазо секторида яшовчи фаластинликларнинг 87 фоизи ўз уйларини ташлаб кетган.
Изоҳ (0)