Финляндия ҳукумати 2024 йил баҳорида Россия фуқаролари учун кўчмас мулк билан боғлиқ операцияларни тўлиқ тақиқлашни режалаштирмоқда, деди мамлакат мудофаа вазири Антти Хакканен.
Амалдорнинг маҳаллий Ҳелсингин Саномат нашрига маълум қилишича, ҳозирда ушбу тақиқни жорий қилиш учун зарур қонуний асосларни излаш давом этмоқда.
“Баҳорда муайян қарорлар қабул қилиниши мумкин. Россия Федерацияси фуқаролари учун Финляндияда транзакцияларни тўлиқ тақиқлашдан ташқари, россияликларга сотилган кўчмас мулк объектлари бўйича ҳам тергов ўтказилади”, — деди Хакканен.
Унинг сўзларига кўра, янги чекловларни жорий этиш учун Финляндия ҳукуматининг қарори етарли, парламент орқали қонунчиликка ўзгартиришлар киритиш шарт эмас.
Финляндия мудофаа вазирининг таъкидлашича, Европа Иттифоқининг Россияга қарши санкцияларининг 12-пакети доирасида Хелсинки санкцияга тушган шахсларга тегишли кўчмас мулк ва бизнесни мусодара қилиш имкониятига эга.
Изоҳ (0)