Бухоро Давлат университети талабалар турар жойи қозонхонаси ишчиси ўзини отиб қўйди ва воқеа жойида вафот этди. Бу ҳақда Бош прокуратура ахборот хизмати маълумот берди.
Ҳолат жорий йилнинг 10 январь куни соат 16:20 да Бухоро давлат университети талабалар турар жойига яқин ҳудудда содир бўлган. Х.М. ётоқхонага яқин манзилда турган ўз автомашинасига ўтирган, ёнида бўлган пневматик қуролни қўлига олган ва эҳтиётсизлиги сабаб тана қисмига яқин тутган ҳолда тепкини босиб юборган. Оқибатда ўзининг чап кўкрак қисми жароҳатланган.
Х.М. автомашинасидан тушиб, ётоқхонанинг биринчи қаватида жойлашган тиббиёт пунктига биринчи ёрдам сўраб борган. Биринчи ёрдам кўрсатилган, бироқ қон йўқотиши оқибатида у вафот этган. Ҳолат юзасидан терговга қадар текшириш ҳаракатлари олиб борилмоқда.
Марҳумнинг ўлими бўйича судга оид тиббиёт экспертизаси тайинланган.
Изоҳ (0)