Украина ва Россия ўртасидаги урушда пауза бўлмайди, чунки бу фақат Россия Федерацияси учун фойдалидир. Бу ҳақда Украина президенти Владимир Зеленский Таллинда эстониялик ҳамкасби Алар Карис билан музокаралар якунида маълум қилди.
Зеленскийнинг таъкидлашича, Россия бугунги кунда баъзи турдаги қуролларнинг етишмовчилигига дуч келган. Пауза пайтида улар яна захираларни тўплаб олиши мумкин. Бундан ташқари, пауза кучларни қайта тўплаш имкониятини ҳам беради.
“Бугунги кунда Россия қандай ҳажмда дрон ва артиллерия снарядларини ишлаб чиқараётганини биламиз. Уларда етишмовчилик кузатилмоқда. Шу сабабли Россия Эрондан катта миқдорда дронлар харид қилмоқда.
Бундан ташқари, Шимолий Кореядан миллиондан ортиқ артиллерия снарядларини олишган”, — деди Зеленский.
Изоҳ (0)