Нью-Йоркда полиция Фаластинни қўллаб-қувватлаш намойишларида қатнашган 300 дан ортиқ кишини ҳибсга олди.
Нью-Йорк полициясининг “РИА Новости”га маълум қилишича, 2024 йил 8 январь куни намойишчилар учта кўприкни — Бруклин, Манхеттен, Вильямсбург, шунингдек, Холланд туннелини тўсиб қўйган.
“Биз бу ҳудудларни намойишчилардан тозалаб, 325 кишини ҳибсга олдик”, — деди Нью-Йорк полицияси бошлиғи Жон Челл.
Шунингдек, кўплаб намойишчилар кичик жиноятлар учун судга чақирилган.
Декабрь ойи охирида ҳам Нью-Йоркда Фаластин тарафдори бўлган жамоат фаолларининг икки гуруҳи Манхеттен кўчаларини тўлдирганди.
АҚШда Фаластин-Исроил можаросининг янги босқичидан сўнг кенг кўламли намойишлар бўлиб ўтмоқда, уларнинг мутлақ кўпчилиги Ғазо секторида ўт очишни тўхтатишни талаб қилмоқда.
Эслатиб ўтамиз, 2023 йил 13 декабрда Ўзбекистон БМТ Бош ассамблеясида Ғазода ўт очишни тўхтатиш бўйича резолюцияни ёқлаб овоз берганди.
Изоҳ (0)