Nyu-Yorkda politsiya Falastinni qo‘llab-quvvatlash namoyishlarida qatnashgan 300 dan ortiq kishini hibsga oldi.
Nyu-York politsiyasining “RIA Novosti”ga ma’lum qilishicha, 2024-yil 8-yanvar kuni namoyishchilar uchta ko‘prikni — Bruklin, Manxetten, Vilyamsburg, shuningdek, Xolland tunnelini to‘sib qo‘ygan.
“Biz bu hududlarni namoyishchilardan tozalab, 325 kishini hibsga oldik”, — dedi Nyu-York politsiyasi boshlig‘i Jon Chell.
Shuningdek, ko‘plab namoyishchilar kichik jinoyatlar uchun sudga chaqirilgan.
Dekabr oyi oxirida ham Nyu-Yorkda Falastin tarafdori bo‘lgan jamoat faollarining ikki guruhi Manxetten ko‘chalarini to‘ldirgandi.
AQSHda Falastin-Isroil mojarosining yangi bosqichidan so‘ng keng ko‘lamli namoyishlar bo‘lib o‘tmoqda, ularning mutlaq ko‘pchiligi G‘azo sektorida o‘t ochishni to‘xtatishni talab qilmoqda.
Eslatib o‘tamiz, 2023-yil 13-dekabrda O‘zbekiston BMT Bosh assambleyasida G‘azoda o‘t ochishni to‘xtatish bo‘yicha rezolyutsiyani yoqlab ovoz bergandi.
Izoh (0)