Nyu-Yorkda minglab Falastin tarafdorlari urush to‘xtatilishini talab qilib namoyish o‘tkazdi

Nyu-Yorkda Falastin tarafdori bo‘lgan jamoat faollarining ikki guruhi Manxetten ko‘chalarini to‘ldirdi, deb xabar bermoqda New York Post.

AQSHda Falastin-Isroil mojarosining yangi bosqichidan so‘ng keng ko‘lamli namoyishlar bo‘lib o‘tmoqda, ularning mutlaq ko‘pchiligi G‘azo sektorida o‘t ochishni to‘xtatishni talab qilmoqda. Nashr avvalroq Rojdestvo kunida Falastin tarafdori bo‘lgan yuzlab faollar Manxettendagi Rokfeller markazi atrofidagi ko‘chalarni to‘ldirgani haqida xabar bergan edi.

New York Post gazetasiga ko‘ra, 28-dekabr, payshanba kuni Nyu-Yorkda bir vaqtning o‘zida ikkita namoyish bo‘lib o‘tdi. Mingga yaqin kishi Quyi Manxetten ko‘chalari bo‘ylab “Daryodan dengizgacha bo‘lgan hududda Falastin ozod bo‘ladi” shiorini aytib, yurish o‘tkazdi.

Ular Oculus Center savdo markazining asosiy kirish eshigini to‘sib qo‘ydi. Politsiya tashrif buyuruvchilarni aksiya o‘tkaziladigan joydan uzoqroqda joylashgan boshqa chiqish eshiklariga yo‘naltirgan. Namoyishchilar BNY Mellon banki shtab-kvartirasida ham to‘xtab, “genotsidni moliyalashtirayotgani” uchun bankka e’tiroz bildirishgan.

Aksiya Foley maydonida ommaviy ibodat qilish bilan yakunlangan. New York Post huquq-tartibot idoralariga tayanib, aksiya davomida hibsga olinganlar bo‘lmaganini yozmoqda.