“Ўзгидромет” келаси ҳафта бошида кузатиладиган об-ҳаво прогнозини эълон қилди

“Ўзгидромет” 8—10 январь кунлари республика ҳудудида кузатиладиган об-ҳаво маълумотларини эълон қилди.

Қорақалпоғистон Республикаси ва Хоразм вилоятида ҳаво бир оз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади, 9 январда айрим жойларда 15-20 метр/секундгача кучайиши мумкин. Ҳарорат 8 январда кечаси 0-5 даража совуқ, кундузи 5-10 даража илиқ; 9—10 январда кечаси 0-5 даража илиқ, кундузи 9-14 даража илиқ бўлади.

Бухоро ва Навоий вилоятларида ҳаво бир оз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади, 9 январда айрим жойларда 15-20 метр/секундгача кучайиши мумкин. Ҳарорат 8 январда кечаси 0-5 даража илиқ, кундузи 7-12 даража илиқ; 9 январда кечаси 0-5 даража илиқ, кундузи 13-18 даража илиқ; 10 январда кечаси 3-8 даража илиқ, кундузи 13-18 даража илиқ бўлади.

Тошкент, Самарқанд, Жиззах ва Сирдарё вилоятларида ҳаво бир оз булутли бўлади, 8 январда баъзи жойларда ёмғир ёғиши мумкин. 9—10 январда ёғингарчилик кутилмайди. Ғарбий шамол йўналишини ўзгартириб, шарқдан 7-12 метр/секунд тезликда эсади, 9 январда айрим жойларда 15-20 метр/секундгача кучайиши мумкин. Ҳарорат 8 январда кечаси 0-5 даража илиқ, кундузи 7-12 даража илиқ; 9 январда кечаси 0-5 даража илиқ, кундузи 10-15 даража илиқ; 10 январда кечаси 2-7 даража илиқ, кундузи 13-18 даража илиқ бўлади.

Қашқадарё ва Сурхондарё вилоятларида ҳаво бир оз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади, 9 январда айрим жойларда 15-20 метр/секундгача кучайиши мумкин. Ҳарорат 8 январда кечаси 2-7 даража илиқ, кундузи 10-15 даража илиқ; 9 январда кечаси 2-7 даража илиқ, кундузи 14-19 даража илиқ; 10 январда кечаси 3-8 даража илиқ, кундузи 14-19 даража илиқ бўлади.

Андижон, Наманган ва Фарғона вилоятларида ҳаво бир оз булутли бўлади, 8 январда баъзи жойларда ёмғир ёғиши мумкин. 9—10 январда ёғингарчилик кутилмайди. Ғарбий шамол йўналишини ўзгартириб, шарқдан 5-10 метр/секунд тезликда эсади. Ҳарорат кечаси 0-5 даража илиқ, кундузи 8 январда 7-12 даража илиқ, 9—10 январда 9-14 даража илиқ бўлади.

Республиканинг тоғли ҳудудларида ҳаво бир оз булутли бўлади, 8 январда вақти-вақти билан ёғингарчилик (ёмғир, қор) кузатилади, баъзи жойларда кучли бўлади. 9—10 январда ёғингарчилик кутилмайди. Ғарбий шамол йўналишини ўзгартириб, шарқдан 7-12 метр/секунд тезликда эсади. 8—9 январда Тошкент ва Наманган вилоятларининг тоғли ҳудудларида қор кўчиши хавфи бор. Ҳарорат 8 январда кечаси 4 даража совуқ — 1 даража илиқ, кундузи 0-5 даража илиқ, 9—10 январда кечаси 2 даража совуқ — 3 даража илиқ, кундузи 4-9 даража илиқ бўлади.

Аввалроқ Ўзбекистонда 7 январь куни ҳаво ҳарорати 14 даражагача илиши тўғрисида хабар берилганди.