Ўзбекистонда январь ойида аномал совуқ кутилмаяпти. Бу ҳақда “Ўзгидромет” бўлим бошлиғи Humoюн Мағрипов маълум қилди.
Humoюн Мағриповнинг айтишича, қиш якунигача қор ёғиши ва ҳаво ҳарорати 0 даражадан пасайиши мумкин.
“Аномал совуқ ҳозирча кутилмаяпти. Қиш илиқ келиши ҳақидаги гапни кунлик ҳарорат +10 ёки +20 бўлади деб тушунмаслик керак. Қиш якунигача 3-4 кун қор ёғадиган, ҳарорат 0 даражадан пастга тушадиган ҳолатлар бўлади”, — деди мутахассис.
Humoюн Мағриповнинг қўшимча қилишича, январь ойи аслида совуқ бўлиши керак. Чунки илиқ қишнинг зарарли жиҳатлари кўп.
“Аслини олганда, январь ойи совуқ келгани яхши. Негаки, илиқ келган қишнинг оқибатлари кейинги йил баҳор ва ёзда билинади ҳамда у жуда ҳам оғир асоратларни келтириб чиқаради. Масалан, қишлоқ хўжалиги ва яйловлар учун оғир шароит юзага келади”, — деди у.
Маълумотларга кўра, Ўзбекистонда сўнги 30 йилликдаги энг совуқ январь ойи 2008 йилда, энг илиқ январь эса 2016 йилда кузатилган.
Аввалроқ Ўзбекистонда 6 январь куни кузатиладиган об-ҳаво прогнози эълон қилинганди. Унга кўра, республикада ҳаво илиқ бўлади.
Изоҳ (0)