Чеченистон раҳбари Рамзан Қодиров АҚШдан украиналик асирлар эвазига унинг қариндошларига нисбатан санкцияларни бекор қилишни сўради. Бу ҳақда “РИА Новости” хабар берди.
Рамзан Қодиров асирлар рўйхатни бир кун аввал Грознийга келган америкалик разведканинг собиқ ходими Скотт Риттерга топширди.
“Меҳмонимизга қизиқарли таклиф бор. Бизда Донецк, Луганскдан олиб келинган асирлар бор. Мен рўйхатни меҳмонимизга бераман. Улар мендан ташқари онамдан, қизларимдан ва бегуноҳ одамлардан, отлардан санкцияларни олиб ташласалар. Агар менга нисбатан бир оз кўпроқ санкциялар қўшилса, украиналик асирларни топширамиз”, — деди Қодиров.
Қодиров ўз таклифини Грознийда республика хавфсизлик кучларини шакллантириш давомида билдирди. Шунингдек, улар Қодировнинг қариндошлари, унинг отлари ва самолётига нисбатан “ҳеч қандай таъсирга эга бўлмаган санкциялар”ни олиб ташлашни сўраган асирларнинг видеомурожаатини кўрсатди.
Видеода Украина қуролли кучларининг собиқ аскарларидан бири, агар Қўшма Штатлар ушбу шартларни бажарса, у ҳолда 20 нафар украиналик аскар ўз уйларига қайтишини қайд этган.
Изоҳ (0)