Американинг B-1B Lancer стратегик бомбардимончи самолёти Жанубий Дакотадаги Эллсворт ҳарбий-ҳаво кучлари базасига қўнишга уринаётганда ҳалокатга учради, деб хабар берди АҚШ Ҳарбий-ҳаво кучларининг Глобал зарба бериш қўмондонлиги.
Самолёт бортида тўрт нафар учувчидан иборат экипаж бўлган. Уларнинг барчаси катапульт ёрдамида омон қолган, ҳеч ким жабрланмаган.
Ҳалокат маҳаллий вақт билан 4 январь, пайшанба куни кечқурун, машғулот парвози вақтида содир бўлган. Қайд этилишича, ўша пайтда ноқулай об-ҳаво ва қаттиқ совуқ бўлган.
Ҳозирда фалокат сабабларини ўрганиш ишлари олиб борилмоқда. Эллсворт ҳаво кучлари базаси парвозлар учун вақтинча ёпилган.
Изоҳ (0)