Чеченистон раҳбари Рамзан Қодиров чечен халқининг қадриятларини шубҳа остига қўяётган маҳаллий спортчилар ва блогерларга қарши “қаттиқ чора” кўриш кераклигини айтди.
![](/static/2023/surayyo2/photo_2023-12-12_10-59-34.jpg)
Қодиров республикадаги спортчи блогерлар Асхаб Тамаев ва Арби Эмиевга уларнинг “номақбул” видеолари учун танбеҳ берганидан кейин шундай баёнот эълон қилди. У “қаттиқ чора” ибораси билан нимани назарда тутаётгани номаълум.
“Спортчи бўлсангиз, ўзингизни спортда кўрсатинг, тамом. Сизнинг миссиянгиз шу ерда тугайди, лекин сиёсатга аралашманг. Баъзилар чечен миллий урф-одатлари ва анъаналарига тўғри келмайдиган шубҳали дастурларда қатнашяпти. Ҳақиқий чечен бундай қилмайди”, — деди Қодиров Чеченистон ҳукуматининг кенгайтирилган йиғилишида.
Республика спорт ва ёшлар сиёсати вазири Исо Ибрагимов ҳуқуқбузарларни “чечен урф-одатлари ва анъаналари доирасида” жазолашга ваъда берди.
Аввалроқ чечен блогер Асхаб Тамаевга қарши онлайн казино реклама қилгани учун иш очилгани хабар қилинганди.