Адлия вазирлиги ахборот хизмати 2023 йилдаги туғилишлар бўйича статистикани эълон қилди.
Хабар берилишича, ФҲДЁ органлари томонидан 2023 йилда 968 140 та туғилиш ҳолати қайд этилган. Улардан:
- ўғил болалар — 501 177 та;
- қиз болалар — 466 563 та.
Ҳудудлар бўйича энг кўп туғилиш:
- Самарқанд — 114 446 та;
- Фарғона — 107 602 та;
- Қашқадарё — 102 364 та.
Соғлиқни сақлаш вазирлигига кўра, 2024 йил 1 январь соат 17:00 ҳолатига кўра, мамлакатда жами 1043 нафар чақалоқ дунёга келган. Энг кўп туғилиш Фарғона вилоятида (160 нафар) қайд этилган.
Статистика агентлигига кўра, Тошкент шаҳрида 2023 йилнинг январь—июль ойларида ФҲДЁ органлари томонидан 45 473 та тирик туғилиш ҳолатлари қайд этилган. Ўзбекистонда 2023 йилнинг январь ойида 76 199 нафар тирик туғилиш ҳолатлари ФҲДЁ органларида қайд этилган. Улардан 1 816 нафари эгизак чақалоқлар ҳисобланади. Январь—июнь ойларида эса 434 519 та туғилиш қайд этилган. 2022 йилда эса Ўзбекистонда биринчи фарзандини дунёга келтирган оналар сони 280 432 нафарни ташкил этганди.
Изоҳ (0)