АОКАда Санитария-эпидемиологик осойишталик ва жамоат саломатлиги қўмитаси бошқарма бошлиғи Абдураҳмон Исмоилов иштирокида ўтказилган брифингда янги йил байрами ва дам олиш кунлари овқатдан заҳарланиш ҳолатларини олдини олишда риоя қилинадиган зарур талаблар маълум қилинди.
“Шу кунларда оила бошлиқлари ва уй бекалари томонидан ушбу кунга тайёргарлик кўриш муносабати билан савдо дўконлари, бозорлар ва шу каби озиқ-овқат маҳсулотларининг савдоси учун ташкил этилган ярмаркалардан харид қилиш учун яхши кайфиятларда у ёки бу каби маҳсулотларни харид қилишга шошилиб байрам дастурхонини турли хил егулик ва ичимликлар билан безаш харакатига тушиб қолганмиз.
Айнан шу фурсатдан фойдаланиб, сиз азизлардан ҳар бир маҳсулотларни харид қилишда фақат уларни рухсат этилган жойлардан харид қилишни, қолаверса уларнинг сифатига кафолат берувчи ҳужжатлари мавжудлигига ишонч ҳосил қилган холда, уларнинг истеъмолга яроқлилик муддатларига, айнан сиз харид қилаётган маҳсулотлар шу маҳсулотларга хос белгилари ўзгармаганлиги, айнимаганлиги каби белгиларига эътиборли бўлишимиз керак.
Ваҳоналки баъзи бир уй бекаларимиз томонидан байрам дастурхони учун қўйиладиган егуликлар, ҳар-хил турдаги иссиқ ва совуқ газаклар, ширинликлар, таомлар ва ичимликлар ҳаддан ташқари ортиғи билан тайёрланиб, бир вақтнинг ўзида уларнинг бир-бирига мос ёки мос эмаслигига эътибор бермасдан фуқароларимиз томонидан истеъмол қилиниши ошқозон ичак фаолиятининг бузилиши, вақтида ҳазм бўлмаслиги оқибатида кутилмаганда айнан инсон омилининг таъсирида у ёки бу кўринишдаги касалликларнинг юзага келишига сабаб бўлмоқда.
Қолаверса ушбу дастурхон атрофида йиғилганлар орасида ёш болалар ва ёши котта отахон ва онахонларимзнинг соғлигига хавф солиши эҳтимолдан ҳоли эмас.
Сиз билан биз шу нарсани доимо ёдда тутишимиз керакки, ҳар бир озиқ-овқат маҳсулотлари ва тайёр таомларни истеъмол қилишимизда ҳар биримизнинг ёшимизга эътиборли бўлишимиз шарт.
Шу нарсани унитмайликки, биргина байрам муносабати билан меъёридан ортиқ, монелиги бўйича бир-бирига мос бўлмаган таомларни бир вақтнинг ўзида истеъмол қилиш тавсия этилмайди.
Кейинги вақтларда ахоли ўртасида айнан инсон омилига боғлиқ бўлган холатларда, қолаверса уй шароитларида тайёрланган ва герматик идишларга қадоқланган консерва маҳсулотларини истеъмол қилиш оқибатида овқатдан заҳарланишнинг энг оғир турларидан бўлган ботулизм касаллиги қайд этилаётганлигидан ОАВ орқали барчамиз хабардормиз ва айрим инсонларнинг ҳаётдан эрта кетишига сабаб бўлаётганлиги афсуски учраб турипти.
Шу каби кўнгилсизликларнинг олдини олиш мақсадида аввалом бор консерва маҳсулотларини уйда тайёрламаслик, мабода шу каби маҳсулотларни дастурхонда кўрганингизда истеъмол қилмаслик тавсия этилади.
Бугунги кунда қаерга қарамайлик мўл-кўлчилик, нима маҳсулотни истасангиз ҳаммаси муҳайё бўлиб, энг асосийси булар ичидан ҳақиқий қуёш нурини ўзига сингдирган, инсон организми учун энг зарур бўлган витамин ва минералларни ўзида мужассам этган маҳсулотларни танлаб, истеъмол қилиш жуда муҳимдир.
Янги йилни кўтаринки кайфиятда кутиб олиш учун шу каби тавсияларга амал қилиш мақсадга мувофиқдир", — дейилади Абдураҳмон Исмоилов чиқишида.
Изоҳ (0)