Тошкент шаҳри Миробод туманида аёллар ўзини СЭС ходими деб таништириб, дори сотиб юргани аниқланди. Санитария-эпидемиологик осойишталик ва жамоат саломатлиги хизмати ҳолат юзасидан муносабат билдирди.
Қайд этилишича, “Мовароуннаҳр” маҳалласи аҳолисига ўзини “Санитария-эпидемиологик осойишталик ва жамоат саломатлиги хизмати туман бўлими ходимимиз (СЭС)” дея таништириб, турли ҳашаротларга қарши дориларни пуллаётган шахслар пайдо бўлгани айтилмоқда.
Таъкидланишича, сохта СЭС ходимлари дея таништираётганлар фирибгарлик йўли билан келиб чиқиши номаълум дориларни сотмоқда.
“Ҳурматли фуқаролар. Видеода кўрсатилган сохта СЭС ходимлари Санитария-эпидемиологик осойишталик ва жамоат саломатлиги хизмати Тошкент шаҳар бошқармаси, Тошкент шаҳри Дезинфекция станцияси ва туман ҳудудий бўлимларида фаолият юритмаслигини маълум қиламиз”, — дейилади хабарда.
Изоҳ (1)
liboy biznes xarasha. lekin oxiri 15 sutka