Қозоғистон ҳукумати “Толибон”ни тақиқланган ташкилотлар рўйхатидан чиқаришга қарор қилди. Бу ҳақда Қозоғистон Республикаси Ташқи ишлар вазирлиги расмий вакили Айбек Смадияров Kazinform агентлиги мухбири билан суҳбатда маълум қилди.
Нега бундай қарорга келинди?
— Қозоғистон республикада тақиқланган террористик ташкилотларнинг миллий рўйхатини янгилаш мақсадида мунтазам равишда аудит ўтказади. Ушбу жараён доирасида БМТ амалиётига мувофиқ “Толибон”ни ундан чиқариб ташлаш тўғрисида қарор қабул қилинди. БМТ Хавфсизлик кенгашининг мажбурий резолюцияларидан маълумки, “Толибон” ҳаракати БМТ Хавфсизлик кенгаши томонидан террорчи деб тан олинган ташкилотлар рўйхатига киритилмаган.
Қозоғистон ва “Толибон” ўртасидаги дипломатик алоқалар қандай ривожланмоқда?
— Сиёсий алоқаларга келсак, Қозоғистон БМТ Бош ассамблеяси ва Хавфсизлик кенгаши томонидан қабул қилинган қарор ва резолюцияларга бундан кейин ҳам қатъий риоя қилишини таъкидламоқчиман.
Эслатиб ўтамиз, “Толибон” турли давлатлар, жумладан, Қозоғистон билан дипломатик алоқалар ўрнатишга, жаҳон ҳамжамияти олдида ўзини кўрсатишга уринмоқда. Ҳаракат энг яқин қўшнилари билан фаол савдо алоқаларини ўрнатмоқда.
Изоҳ (0)