Хитойнинг Anhui Coronet Tech компанияси Хоразм вилоятида электромобиллар ишлаб чиқаришни йўлга қўйиш имкониятини кўриб чиқмоқда, деб хабар берди Савдо-саноат палатаси.
Бу масала 26 декабрь, сешанба куни Хитой компанияси вакиллари ва Савдо-саноат палатаси томонидан муҳокама қилинган.
Биринчи босқичда электр моторли автомобиллар ишлаб чиқарадиган цехларни ташкил этишга 7 миллион доллар сармоя киритиш режалаштирилган. Лойиҳага киритиладиган сармоянинг умумий ҳажми 30 миллион долларга баҳоланмоқда.
Ишлаб чиқарилган автомобилларни ички бозорга, шунингдек, Марказий Осиё мамлакатларига етказиб бериш режалаштирилган.
Савдо-саноат палатаси раҳбари ўринбосари Умидбек Сафаров ишлаб чиқаришни Хоразм шаҳрида жойлашган эркин иқтисодий зонада ташкил этишни таклиф қилган.
Изоҳ (0)