Куала-Лумпурдаги ОФК бош қароргоҳида бугун, 28 декабрь куни 13:00 да Осиё Чемпионлар Лигаси плей-офф босқичига қуръа ташлаш маросими бўлиб ўтади.
Маросимда “Навбаҳор” спорт директори Абдумалик Умрзоқов, “Насаф” халқаро алоқалар ва лицензиялаш бўлими мутахассиси Қобилжон Шодмонов ҳамда “Насаф” спорт директори Ботир Қораев иштирок этади.
Қуръадан аввал жамоалар 2 та саватга ажаратилади:
*гуруҳ ғолиблари (5та);
*гуруҳдаги энг яхши иккинчи жамоалар (3та).
Қуръа маросими бошланишида саватлардаги жамоалар сонини тенглаштириш учун 1-саватдан 1 та исталган шарча тортилиб, 2-саватга солинади.
Нимчорак финалда гуруҳ босқичида ўзаро рақиб бўлган жамоалар тўқнаш келмайди. Яъни “Ал-Ҳилол” — “Навбаҳор” қарама-қаршилигини кўрмаймиз.
2-саватчадаги жамоалар нимчорак финалнинг дастлабки учрашувларини ўз майдонларида қабул қилишади. Мазкур баҳслар 12-13 февраль кунлари бўлиб ўтиши режалаштирилган.
Қуръадан сўнг ОФК қароргоҳида ОЧЛ плей-офф босқичи иштирокчи клублари вакиллари учун семинар ҳам ташкил этилади ва унда навбатдаги босқичнинг ташкилий масалалари ҳамда рўйхатдан ўтиш юзасидан маълумот берилиши режалаштирилган
Изоҳ (0)