Америкалик таниқли актёр Арнольд Шварценеггер “Керакли бўл. Ҳаётнинг етти қоидаси” номли автобиографик китобини чиқарди. Унда фильмлардаги ҳаёт учун хавфли бўлган трюклари тафсилотлари билан ўртоқлашди.
“Варвар-Конан” фильмининг суратга олиш майдонида калхатнинг жасадини бир неча марта тишлашга тўғри келган.
“Мен ҳақиқий ўлик калхатни тишлаганман ва ҳар дублдан кейин оғзимни спирт билан ювишга мажбур бўлганман. Тасвирга олиш кунларининг бирида белимдан жароҳат олдим ва бу учун қирқта чок тушди. ‘Конан’ билан трюк бажариш жуда қийин эди, чунки ўша пайтдаги каскадёрлар катта эмасди. Шу сабаб тизза ва тирсакларимдан қон чиқмагунча эмаклашга тўғри келган. Итлар ҳам менга ҳужум қилган. Яхши ҳамки, ўша пайтда оғир атлетика машҳур эди, бақувват каскадёрлар пайдо бўлганди”, — дея эслайди Шварценеггер.
Кейинги хавфли трюкни актёр “Олтинчи кун” фильмида ижро этган. Унда Шварценеггер чўкишига оз қолган.
“Эҳтимол, энг хавфли трюклардан бири “Олтинчи кун” картинасида содир бўлган. Мен сузаётган жой оддий манзара бўлиб кўринди, лекин бассейнда қопқоқ бор эди ва мен кирган жойимдан чиқишим керак эди, лекин орқага қайтаётганимда ҳаво тугай бошлади. Йўл топа олмадим, лекин ваҳима қилмасликка ҳаракат қилдим. Барибир узоқ вақт тура олмаслигимни билардим. Яхши ҳамки, менинг дублёрим Билли Лукас нима бўлаётганини тушунди ва мени қутқарди”.
Шу йили Netflix актёрнинг ҳаёти ҳақида “Арнольд” ҳужжатли мини-сериалини мухлисларга тақдим этди.
Изоҳ (0)