Калифорниянинг собиқ губернатори бодибилдинг билан шуғулланишни 14 ёшида бошлаган. 33 ёшида Шварценеггер спорт карьерасини якунлаган.
Америкалик киноактёр ва продюсер Арнольд Шварценеггер 76 ёшида қандай қилиб соғлом экани ҳақида гапириб берди. Бу ҳақда у Меn's Health нашрига берган интервьюсида маълум қилган, деб ёзмоқда “Корреспондент” нашри.
Хусусан, у ҳали ҳам спорт билан шуғулланишда давом этаётганини, гарчи жуда фаол машқларни бажармаса ҳам, соғлиғига зарар етказмайдиган оддийроқ машқларни бажараётганини айтди.
“Мен танамни ҳимоя қиламан ва терапевтик машғулотлар билан шуғулланаман. Тезроқ, осонроқ, лекин тўғри машқлар қиламан ва ёшликни сақлаб қолишга ҳаракат қиламан. Фильмларимни суратга олишим учун, тирик қолиш учун машқ қиламан”, — деб айтган актёр.
Шунингдек, Арнольд Шварценеггернинг сўзларига кўра, машғулотлар нафақат жисмоний тайёргарликни, балки ақлий фаолликни ҳам сақлашга ёрдам беради.
“Машқ қилаётганингизда нафақат танангиз, балки онгингиз ҳам кучаяди. Сиз ҳаётдаги баъзи нарсаларга жуда ижобий муносабатда бўласиз”, таъкидлайди актёр.
Бундан ташқари, “Терминатор” ёшлигида стероидларни фақат шифокор назорати остида қўллаганини яширмайди.
“Бодибилдинг ҳар доим ва ҳар доим хавфсиз спорт деб ҳисобланган. Лекин ҳозир ундай эмас. Энди одамлар ҳалок бўлмоқда — препаратларнинг ҳаддан ташқари дозаси туфайли ўлмоқда ва нима қилаётганларини умуман тушунишмайди. Улар фирибгарларга қулоқ солади”, — дея қўшимча қилади Шварценеггер.
Изоҳ (0)