“Паразитлар” фильмида бош роллардан бирини ижро этган актёр Ли Сон Гюн Сеулда ўлик ҳолда топилди. Бу ҳақда Жанубий Кореянинг Ренхап агентлигига таяниб, Meduza хабар бермоқда.
Агентликнинг маълум қилишича, 48 ёшли актёрнинг жасади Сеул марказидаги паркларнинг бирида машина ичидан топилган. Тахминларга кўра, Ли Сон Гюн ўз жонига қасд қилган. Актёр йўқолишидан олдин уйида ўз жонига қасд қилиш ҳақида эслатмага ўхшаш хат қолдирган.
2023 йилнинг кузида Жанубий Корея полицияси томонидан Ли Сон Гюнга нисбатан тергов иши бошланган эди. У гиёҳванд моддаларни истеъмол қилганликда гумонланган. Актёрнинг ўзи эса гиёҳванд моддалар унга шантаж мақсадида берилган бўлиши мумкинлигини айтган. Сўнгги ойларда у полиция томонидан бир неча бор сўроқ қилинган. Шунингдек, у икки марта қонда наркотик моддалар бор-йўқлигига топширган тестлари манфий чиққан.
Актёр 2020 йилда тўртта йўналиш бўйича “Оскар” мукофотини олган “Паразитлар” фильмида жаноб Пак ролини ўйнаган. Шунингдек, 2021 йилда “Эмми” мукофотига номзод бўлган “Доктор Брайан” сериалида ҳам бош роллардан бирини ижро этган.
Изоҳ (0)