Ўзбекистонда жорий йилда 1319 номдаги фармацевтика маҳсулотлари давлат рўйхатидан ўтказилди. Бу ҳақда Фармацевтика маҳсулотлари хавфсизлиги маркази хабар берди.
Маълум қилинишича, 2023 йил давомида маҳаллий ишлаб чиқарувчиларнинг 204 номдаги дори воситалари, 44 номдаги тиббий буюмлари ва тиббий техникаси шунингдек, хорижий ишлаб чиқарувчларнинг 214 номдаги дори воситалари, 857 номдаги тиббий буюмлари ва тиббий техникаси давлат рўйхатидан ўтказилди.
Дори воситаларини, тиббий буюмларни ва тиббий техникани давлат рўйхатидан ўтказиш натижаларига кўра Фармасевтика маҳсулотлари хавфсизлиги маркази томонидан хорижий ишлаб чиқарувчиларга амал қилиш муддати беш йил, маҳаллий ишлаб чиқарувчиларга муддасиз бўлган тегишли рўйхатдан ўтказилганлик гувоҳномаси берилади.
Гувоҳнома дори воситалари, тиббий буюмлар ва тиббий техниканинг давлат рўйхатидан ўтказилганини ва Соғлиқни сақлаш вазирлиги томонидан тиббиёт амалиётида қўлланилишига рухсат берилганини тасдиқловчи ҳужжат ҳисобланади.
Изоҳ (0)