Польшада Ўзбекистон вакилларининг LOT Polish Airlines авиакомпанияси президенти Михал Фиёл билан учрашуви бўлиб ўтди. Бу ҳақда “Дунё” ахборот агентлиги хабар берди.
Польша томонига кўра, авиакомпания 2024 йил март ойидан Варшава ва Тошкент ўртасида мунтазам авиарейсларни йўлга қўяди. Михал Фиёл Ўзбекистон элчихонаси ва Ташқи ишлар вазирлигига унинг мамлакатга ёзги ташрифида кўмаклашилгани учун алоҳида миннатдорлик билдирди.
У жорий йил ёзги сафари натижасида Ўзбекистон Транспорт вазирлиги, Фуқаро авиацияси агентлиги, Uzbekistan airpots АЖ ва Uzbekistan Airways АЖ вакиллари билан самарали алоқалар ўрнатган. Авиакомпания президентининг таъкидлашича, ўрнатилган анъанага асосан биринчи рейсда Польша ташқи ишлар вазири ўринбосари, туризм вазири ўринбосари, парламент вакиллари ва бошқа расмий шахслар Ўзбекистонга учади.
2024 йилда Варшава—Тошкент йўналиши бўйича рейсларга талаб юқорилигини ҳисобга олиб, апрель июнь ойларида ҳафтасига 4 марта амалга оширилишини, шунингдек, йилига жами 40 минг йўловчи ташиш мумкинлигини таъкидлади.
Изоҳ (0)