Йиғилишда IT хизматларини ривожлантириш учун ҳудудларда юқори тезликдаги интернет кераклиги таъкидланди.
Ўтказилган сўровларда IT Park резидентларининг 33 фоизи ҳудудларда интернет тезлиги пастлигини айтган. Халқаро магистрал йўлларнинг муайян қисмлари мобил интернет билан қамраб олинмагани кўрсатиб ўтилди.
Шу боис Рақамли технологиялар вазирлигига келгуси йилда рақамли инфратузилмани ривожлантириш учун хорижий инвестициялар жалб қилиш топширилди.
Шу билан бирга, ҳозирда вазирликларнинг 50 дан ортиқ хизматлари Ягона давлат хизматлари порталига уланмаган.
Масалан, солиқ декларациясини жўнатиш ва кешбэк олиш, қуёш панелини тизимга улаш ва унга субсидия олиш, транспорт тўлов картасини харид қилиш каби хизматлардан фақат идоравий сайтлар орқали фойдаланиш мумкин.
Барча раҳбарларга уч ойда ўз тизимидаги давлат хизматларини ягона портал орқали кўрсатишни йўлга қўйиш топширилди.
Изоҳ (0)