Yig‘ilishda IT xizmatlarini rivojlantirish uchun hududlarda yuqori tezlikdagi internet kerakligi ta’kidlandi.
O‘tkazilgan so‘rovlarda IT Park rezidentlarining 33 foizi hududlarda internet tezligi pastligini aytgan. Xalqaro magistral yo‘llarning muayyan qismlari mobil internet bilan qamrab olinmagani ko‘rsatib o‘tildi.
Shu bois Raqamli texnologiyalar vazirligiga kelgusi yilda raqamli infratuzilmani rivojlantirish uchun xorijiy investitsiyalar jalb qilish topshirildi.
Shu bilan birga, hozirda vazirliklarning 50 dan ortiq xizmatlari Yagona davlat xizmatlari portaliga ulanmagan.
Masalan, soliq deklaratsiyasini jo‘natish va keshbek olish, quyosh panelini tizimga ulash va unga subsidiya olish, transport to‘lov kartasini xarid qilish kabi xizmatlardan faqat idoraviy saytlar orqali foydalanish mumkin.
Barcha rahbarlarga uch oyda o‘z tizimidagi davlat xizmatlarini yagona portal orqali ko‘rsatishni yo‘lga qo‘yish topshirildi.
Izoh (0)