Дональд Трамп 2024 йилги АҚШ президентлиги сайловларида ғалаба қозонса, Афғонистондаги Баграм аэродроми устидан Америка назоратини тиклаш бўйича “Толибон” билан “савдо битими” тузишини айтганди. “Толибон” матбуот котиби Забиҳуллоҳ Мужоҳид мазкур баёнотга жавоб қайтарди. Бу ҳақда Аriana nеws хабар берди.
Забиҳуллоҳнинг таъкидлашича, Трамп ҳеч қандай сиёсий кучга эга эмас ва унинг сўзларини муҳокама қилиб бўлмайди. У Афғонистоннинг яна минтақавий ва жаҳон кучлари ўртасидаги рақобат майдонига айланишига йўл қўймасликларини айтди.
“Трамп ҳозирда оддий одам. Унинг нутқини муҳокама қилишимиз учун у ҳали ҳеч қандай сиёсий томонда эмас. Аммо, умуман олганда, биз ҳеч қачон Афғонистоннинг давлатлар ўртасидаги рақобат майдони бўлишига ҳеч кимга йўл қўймаймиз. Иккинчидан, Афғонистонда бирон бир давлатнинг ҳарбий иштироки қабул қилиниши мумкин эмас, шунинг учун биз Афғонистоннинг барча давлатлар билан ўзаро ҳамкорлиги мўтадил ва нормал бўлишини истаймиз”, — деди Мужоҳид.
Трамп Айова штатидаги тарафдорларига айтган нутқида, “агар у 2024 йилда қайта сайланса, Баграм аэродроми устидан назоратни тиклаш учун ъТолибонъ билан савдо битими тузиши, бу Хитойни кузатишда ёрдам беришини айтганди.
Бироқ қатор экспертлар Трампнинг сўзлари АҚШда бўлиб ўтадиган сайловларда ғалаба қозониш кампаниясидан бошқа нарса эмас, деб ҳисоблайди.
“Трампнинг Афғонистондаги Баграм аэродромини эгаллаб, ҳарбий база қурмоқчи эканлиги ҳақидаги баёноти шунчаки сайлов кампанияси ва сайлов масаласидир”, — дейди сиёсатшунос.
Изоҳ (0)