Шавкат Мирзиёев 19 декабрь куни Коррупцияга қарши курашиш соҳасида юксак халқаро мукофотни топшириш маросимидаги нутқида коррупция муаммолари бўйича минтақавий тадқиқот марказини очишни таклиф этди.
.jpg)
“Демократик ислоҳотлар ортга қайтмас тус олган Янги Ўзбекистонда коррупцияга қарши курашиш борасида ҳам катта режа ва вазифаларни ўз олдимизга қўйганмиз. Бу масъулиятли ва муросасиз кураш йўлида БМТнинг Гиёҳванд моддалар ва жиноятчиликка қарши курашиш бошқармаси ва барча халқаро ҳамкорларимиз билан биргаликда бор кучимизни сафарбар этишга тайёрмиз”, — деди президент
Давлат раҳбари Ўзбекистон коррупцияга қарши курашдаги минтақавий ва глобал ташаббус ва янги лойиҳаларни қўллаб-қувватлашини ва уларда фаол қатнашишини таъкидлаб ўтди. Бу борада ўтган ойда Тошкентда ишга тушган Коррупцияга қарши курашиш конвенциясининг Минтақавий платформасидан кенг фойдаланилади.
“Шу билан бирга, нодавлат нотижорат ташкилотларини фаол жалб этган ҳолда, ўзаро тажриба алмашиш ва мулоқотларни кучайтириш, илмий изланишлар олиб бориш мақсадида Коррупция муаммолари бўйича минтақавий тадқиқот марказини ташкил этишни таклиф этаман”, — деди давлат раҳбари.
Маълум қилинишича, сўнгги йилларда Ўзбекистон Transparency International индексида 42 поғонага кўтарилди ва бу борада минтақада энг юқори ўринни эгалламоқда. 2030 йилга қадар Ўзбекистоннинг мазкур рейтингдаги ўрнини яна 50 поғонага яхшилаш мақсад қилинган.
Изоҳ (0)