Футбол бўйича Ўзбекистон Суперлигасида мавсумнинг энг яхшиларини аниқлаш бошланди.
Суперлиганинг 2023 йилги мавсуми якунларига кўра энг яхши мураббий бўлиш учун саккиз нафар мутахассис кураш олиб бораётганди. Эндиликда “Сурхон” мураббийи Сергей Арслонов ҳамда “Металлург” устози Веско Стешевич очколарга кўра рўйхатдан чиқарилди, дея хабар бермоқда ПФЛ.
Шу тариқа Рўзиқул Бердиев (“Насаф”), Максим Шацких (“Пахтакор”), Самвел Бабаян (“Навбаҳор”), Александр Хомяков (“Андижон”), Виталий Левченко (“Нефтчи”) ва Миржалол Қосимов (“ОКМК”) каби мураббийлар энг яхши бўлиш учун кураш олиб боради.
Маълумот учун, 2023 йилги мавсум давомида Левченко (март), Шацких (апрель), Қосимов (май), Хомяков (июнь), Левченко (август), Стешевич (сентябрь), Бердиев (октябрь), Арслонов (ноябрь) кабилар ой мураббийи сифатида тан олинганди.
Изоҳ (0)