Суперлигада 2023 йилги мавсумнинг энг яхши мураббийи бўлиш учун номзодлар эълон қилинди

Футбол бўйича Ўзбекистон Суперлигасида мавсумнинг энг яхшиларини аниқлаш бошланди.

Суперлиганинг 2023 йилги мавсумида энг яхши мураббий бўлиш учун 8 нафар мутахассис номзоди қўйилди. 

Рўзиқул Бердиев (“Насаф”), Максим Шацких (“Пахтакор”), Веско Стешевич (“Металлург”), Самвел Бабаян (“Навбаҳор”), Александр Хомяков (“Андижон”), Виталий Левченко (“Нефтчи”), Сергей Арслонов (“Сурхон”) ва Миржалол Қосимов (“ОКМК”) каби мураббийлар энг яхши бўлиш учун кураш олиб бораид.

“Умумий кўринишда мазкур мутахассислар мавсумни турлича ҳолатда якунлади. Бироқ ой давомида йиғиб борилган очколар энди муҳим рол ўйнайди. Ойлар давомидаги барқарорлик ёки бирор ойни катта муваффақият билан ўтказа олиш энг яхши бўлишда асосий омил бўлиши мумкин”, — дейилади ПФЛ хабарида.

Маълумот учун, 2023 йилги мавсум давомида Левченко (март), Шацких (апрель), Қосимов (май), Хомяков (июнь), Левченко (август), Стешевич (сентябрь), Бердиев (октябрь), Арслонов (ноябрь) кабилар ой мураббийи сифатида тан олинганди.