ФИФА 2024 йилдан бошлаб Қитъалараро Кубок мусобақаси ўтказилишини маълум қилди

ФИФА 2024 йилдан бошлаб Қитъалараро Кубок мусобақаси ўтказилишини маълум қилди.

Ташкилот томонидан ўтказиладиган турнирда ҳар йили конфедерациялардан халқаро турнир  ғолиблари иштирок этади. Мусобақа бир неча босқичдан иборат бўлади.

А босқичининг биринчи турида Осиё ёки Африка Чемпионлар Лигаси ғолиби Океания Чемпионлар Лигаси ғолиби билан ўз уйида ўйин ўтказади. 

Ушбу жуфтлик ғолиби кейинги босқичда қолган OFK ва CAF вакили билан ўйнайди — Африка ва Осиё жамоаларининг 2024 йилдаги тартиби қуръа йўли билан аниқланади.

Б босқичида КОНКАКАФ Кубоги ва Либертадорес Кубоги совриндорлари ўзаро тўқнаш келади, мезбон жамоа қуръа йўли билан танланади. 

Турнирнинг якуний қисми нейтрал майдонда бўлиб ўтади. А ва Б босқичларида ғолиб чиққан жамоалар ўртасидаги ўйин ғолиби финалда УЕФА Чемпионлар Лигасида зафар қучган клубга қарши ўйнайди. 

2024 йилда плей-офф ўйини 14 декабрда, финал 18 декабрда бўлиб ўтади.