Дунё миқёсида коррупцияга қарши курашга катта ҳисса қўшиб келаётган олимлар, тадқиқотчилар, журналистлар, инноваторлар ва фаол ташкилотлар орасидан энг муносиблари Тошкентда тақдирланади.
19 декабрь куни Ўзбекистонда “Халқаро коррупцияга қарши курашиш бўйича юксак мукофоти”нинг тантанали тақдирлаш маросимига мезбонлик қилади.
Нуфузли тадбирда Қатар амири Тамим ибн Ҳамад Ол Соний, қатор халқаро ташкилотлар вакиллари, дунёнинг 30 дан зиёд мамлакатидан етакчи экспертлар иштирок этади. Шу билан бирга, Тошкент шаҳрига 2016 йилдан бери 5 номинация бўйича ғолиб деб топилган 51 нафар мукофот соҳиблари ҳам ташриф буюради.
Мукофот Қатар амири Тамим ибн Ҳамад Ол Соний томонидан таъсис этилган бўлиб, у билан маҳаллий, минтақавий ва халқаро миқёсда коррупцияга қарши курашувчи шахслар ва ташкилотлар рағбатлантирилади. Мукофот илк бор 2016 йил 9 декабрдан топширила бошланган. Ўшанда 51 мамлакатдан 38 нафар ғолиб тақдирланган.
Мукофот бешта йўналишда коррупцияга қарши фаол курашган инсонлар ва ташкилотларга берилади.
Улар қуйидаги:
- коррупцияга қарши курашишдаги ютуқлари ҳамда узоқ йиллик фаолияти учун;
- коррупцияга қарши курашиш йўналишидаги таълим ва академик тадқиқотлар учун;
- коррупцияга қарши курашишга оид ёшлар ташаббуслари ва дахлдорлиги учун;
- коррупцияга қарши курашишга оид инновациялар ва журналистик материаллар учун;
- спортни коррупциядан ҳоли қилиш йўналишларидир.
Мукофот ҳар йили “9 декабрь — Халқаро коррупцияга қарши кураш куни” муносабати билан топширилади.
Изоҳ (0)